सोलापूर दि. 24 : सोलापूर महानगरपालिका सार्वत्रिक निवडणुकीत विजयी ठरलेल्या भारतीय जनता पक्षाच्या नगरसेवकांची महत्त्वपूर्ण बैठक सारस्वत मंगल कार्यालय, सोलापूर येथे पार पडली. ही बैठक पालकमंत्री जयकुमार गोरे यांच्या मार्गदर्शनाखाली, आमदार देवेंद्र कोठे व शहराध्यक्षा रोहिणी तडवळकर,मनीष देशमुख यांच्या उपस्थितीत झाली.
या बैठकीत येणाऱ्या काळात महापालिकेत भारतीय जनता पक्षाचा अधिकृत गट स्थापन करणे, महापौर निवड तसेच इतर महत्त्वाच्या पदनियुक्तींच्या प्रक्रियेबाबत प्राथमिक चर्चा करण्यात आली. आगामी कार्यकाळात शिस्तबद्ध कार्यपद्धती, संघटनात्मक एकजूट आणि लोकहिताचे निर्णय घेण्यावर विशेष भर देण्यात आला.
सोलापूर शहराच्या सर्वांगीण विकासासाठी पक्षाची भूमिका अधिक बळकट करून जनतेच्या अपेक्षांना न्याय देण्यासाठी सर्व नगरसेवकांनी एकदिलाने काम करण्याचा निर्धार यावेळी व्यक्त केला.