सोलापूर दि. 21 : राज्य निवडणूक आयोग, महाराष्ट्र यांच्या दिनांक ९ डिसेंबर २०२५ रोजीच्या आदेशानुसार सोलापूर महानगरपालिका सार्वत्रिक निवडणूक २०२५ करीता निश्चित करण्यात आलेल्या मतदान केंद्रांच्या ठिकाणांची यादी प्रसिद्ध करण्यात आली आहे.
सदर मतदान केंद्रांची यादी नागरिकांच्या माहितीसाठी सोलापूर महानगरपालिकेच्या अधिकृत संकेतस्थळावर http://www.solapurcorporation.org उपलब्ध करून देण्यात आलेली आहे. तसेच, ही यादी सोलापूर महानगरपालिकेच्या सर्व विभागीय कार्यालयांमध्ये नागरिकांना पाहणीसाठी उपलब्ध करून देण्यात आली आहे.
मतदारांनी आपल्या प्रभागातील मतदान केंद्राचे ठिकाणाची पूर्वकल्पना याकरिता महानगरपालिकेच्या वेबसाईटवर सदरची यादी प्रसिद्ध करण्यात आलेली आहे.
सोलापूर महानगरपालिका सार्वत्रिक निवडणूक २०२५ यशस्वी, शांततापूर्ण व लोकशाही मार्गाने पार पाडण्यासाठी सर्व मतदारांनी प्रशासनास सहकार्य करावे, तसेच आपल्या मतदानाच्या हक्काचा अवश्य उपयोग करावा, असे आवाहन प्रशासनाकडून करण्यात येत आहे.