सोलापूर दि. 10 : बँक ऑफ इंडिया विभागीय क्रीडा समिती, सोलापूर यांच्या वतीने व सोलापूर डिस्ट्रीक्ट चेस असोसिएशनच्या सहकार्याने आयोजित करण्यात आलेल्या आंतर विभागीय बुद्धिबळ स्पर्धेला उत्साहात प्रारंभ झाला.
या स्पर्धेत यजमान सोलापूरसह रत्नागिरी, नाशिक, पुणे, सांगली व कोल्हापूर येथील संघांनी सहभाग नोंदविला आहे.स्पर्धेच्या पहिल्याच फेरीत सोलापूर विभागाच्या आंतरराष्ट्रीय गुणांकन प्राप्त सौरभ साहू यांच्यासह श्रीकांत गोरडे, सचिन चिंचोळे, आशिष गायकवाड व मयूर कलाल यांनी विजय मिळवत विजयी सलामी दिली.
महिला गटात राजश्री कुलकर्णी, स्मिता पाटील, पलक छाचीया, प्रतीक्षा देशमुख, स्नेहल शेषाद्री, श्रुती घोडके आणि मेरी स्टेला यांनीही आकर्षक विजय नोंदविले.
स्पर्धेचे उद्घाटन सोलापूर विभागाचे विभागीय व्यवस्थापक चंद्रशेखर वि. मंत्री आणि बँक ऑफ इंडिया अधिकारी संघटनेचे सरचिटणीस प्रमोद शिंदे यांच्यातील मैत्रीपूर्ण बुद्धिबळ लढतीने झाले.
कार्यक्रमाची सुरुवात प्रमुख मान्यवरांच्या हस्ते दीपप्रज्वलनाने करण्यात आली. यावेळी पुणे युनिटचे अध्यक्ष अमोल सांगळे, बँक ऑफ इंडिया कर्मचारी संघटनेचे जनरल सेक्रेटरी ऑब्री अल्मेडा, विभागीय क्रीडा समितीचे सचिव सचिन संकद, स्वयंरोजगार ग्रामीण प्रशिक्षण संस्था सोलापूरचे संचालक दिपक वडेवाले, सांगलीचे जिल्हा अग्रणी बँक व्यवस्थापक विश्वास वेताळ, आंतरराष्ट्रीय पंच सुमुख गायकवाड, राष्ट्रीय वरिष्ठ पंच उदय वगरे, विजय पंगुडवाले तसेच बँकेचे अधिकारी, कर्मचारी संघटनेचे पदाधिकारी व प्रतिनिधी उपस्थित होते. कार्यक्रमाचे सूत्रसंचालन सचिन संकद यांनी केले.
अध्यक्षीय मनोगतात चंद्रशेखर मंत्री यांनी बुद्धिबळ खेळाचे महत्त्व अधोरेखित करत कामातील ताणतणाव कमी करण्यासाठी कर्मचाऱ्यांनी खेळात सहभाग घेणे आवश्यक असल्याचे प्रतिपादन केले व खेळाडूंना शुभेच्छा दिल्या.
ऑब्री अल्मेडा यांनी बँक ऑफ इंडियामध्ये अशा क्रीडा स्पर्धा कायमस्वरूपी सुरू राहतील असे सांगितले. तर प्रमोद शिंदे यांनी बुद्धिबळ खेळाविषयी सविस्तर माहिती देत खेळाडूंना मार्गदर्शन केले.
स्पर्धेच्या यशस्वी आयोजनासाठी चेतन खाडे, निखिल कुलकर्णी, वीरेश, सागर वाघमोडे आणि राजू किरसावाळगी यांचे विशेष सहकार्य लाभले.
*तिसऱ्या फेरी अखेरचे महत्त्वाचे निकाल: *पुरुष गट सौरव साहू विजयी विरुद्ध शुभम कांबळे आशिष गायकवाड वि.वि. अक्षय नवले मयूर कलाल वि.वि. पियुष मिश्रा
महिला गट टी मेरी स्टेला वि.वि. पलक छाचीयामयुरी तावडे विजयी विरुद्ध स्मिता पाटील रेश्मा गोंडे बरोबरी विरुद्ध प्रीती चव्हाण.