सोलापूर दि. 6 : महामानव डॉ. बाबासाहेब आंबेडकर यांच्या महापरिनिर्वाण दिनानिमित्त डॉ. बाबासाहेब आंबेडकर चौकातील पूर्णाकृती पुतळ्यास भीम सैनिकांनी अभिवादन केले.
भारतीय बौद्ध महासभा सोलापूर शहर जिल्हा शाखेच्या वतीने मानवंदना देण्यात आली. यावेळी जिल्हाअध्यक्ष अण्णासाहेब वाघमारे, समता सैनिक दलाचे मेजर गौतम जगझाप, धम्मरक्षित कांबळे, शारदा गजभिये, निर्मला कांबळे उपस्थित होते.
डॉ. बाबासाहेब आंबेडकर चौक येथे भीम सैनिक यांनी पुस्तके व ग्रंथ खरेदी करण्यासाठी प्राधान्य दिले.
यावेळी विविध सामाजिक संस्था, संघटना, राजकीय पक्षाचे पदाधिकारी यांनी डॉ बाबासाहेब आंबेडकर यांना आदरांजली वाहिली.
बसपचे बबलू गायकवाड, देवा उघडे व कार्यकर्ते उपस्थित होते.
भारतीय संविधानाचे शिल्पकार, भारतरत्न, परमपूज्य महामानव डॉ. बाबासाहेब आंबेडकर यांच्या महापरिनिर्वाण दिनानिमित्त डॉ. बाबासाहेब आंबेडकर चौक, सोलापूर येथील बाबासाहेबांच्या पुतळ्यास आमदार विजय देशमुख यांनी पुष्पहार अर्पण करून कृतज्ञतापूर्वक अभिवादन केले. समता, न्याय, बंधुता आणि मानवतेचा मार्ग दाखवणाऱ्या बाबासाहेबांच्या विचारांना पुनश्च स्मरून त्यांच्या कार्याचा वारसा जपण्याचा संकल्प या वेळी दृढ झाला.
याप्रसंगी आमदार सुभाष बापू देशमुख, सोलापूर शहर निवडणूक प्रभारी रघुनाथजी कुलकर्णी, शहर अध्यक्षा रोहिणीताई तडवळकर, नगरसेविका वंदनाताई गायकवाड,मा नगरसेवक अरुण भालेराव अजित गायकवाड, अजित गादेकर तसेच भीमसैनिक मोठ्या संख्येने उपस्थित होते.