सोलापूर दि. 18 : पवित्र रमजान महिना सुरू झाला असून, सोलापूरसह भारतातील विविध भागांत चंद्रदर्शन झाले असल्याची अधिकृत घोषणा करण्यात आली आहे. शहराचे काझी मुफ्ती सय्यद अमजदअली काझी यांनी प्रसिद्धीपत्रकाद्वारे ही माहिती दिली असून, आजपासून पहिला रोजा सुरु होईल, असे जाहीर केले आहे.
रमजान हा इस्लाम धर्मातील अत्यंत पवित्र महिना मानला जातो. या काळात मुस्लिम बांधव उपवास (रोजा) पाळत नमाज, कुरआन पठण, दानधर्म आणि इबादतीत विशेष वेळ घालवतात. सोलापूर शहरातही मशिदींमध्ये विशेष नमाज आणि तरावीह नमाजच्या तयारी पूर्ण झाल्या आहेत.शहरभर रमजानच्या निमित्ताने धार्मिक वातावरण जाणवते आहे.
मुस्लिम बांधवांमध्ये उत्साहाचे वातावरण पाहायला मिळत असून, भक्ती आणि आध्यात्मिकतेची झळ या महिन्यात वाढते.या वर्षीही रमजानच्या सुरुवातीस चंद्रदर्शनानंतर सोलापूरसह अनेक भागांत मुस्लीम समुदायात आनंदाचे वातावरण पसरले आहे.